ԴՆԹ․ պտուղ

Ամփոփում․ Սերն այն պտուղն է, որ փնտրում է Հիսուսը։

Պտուղների առկայությունը շատ բան է ասում մարդու կյանքի մասին։ Հովհաննես 15:8-ում Հիսուսն ասաց․ «Երբ շատ պտուղ եք տալիս, դուք իմ ճշմարիտ աշակերտներն եք» (NLT)։

Այս հատվածում Հիսուսն ընդգծեց մեր ու իր միջև սիրով լի հարաբերությունը՝ ոչ թե տիրոջ ու ծառայի, այլ ընկերոջ ու ընկերոջ պես։ «Ինչպես Հայրն ինձ սիրեց, ես էլ ձեզ սիրեցի։ Մնացեք իմ սիրո մեջ» (Հովհաննես 15:9, HCSB)։

Սերն այն պտուղն է, որ փնտրում է Հիսուսը։

Հիսուսը գիտեր, որ Հայրը սիրում է իրեն։ Այդ սիրով էլ նա սեր էր տալիս։ Նրա սիրո մեջ մնալը նշանակում է սեփական փորձով իմանալ, որ սիրված ենք։ Երբ գիտենք, որ սիրված ենք, մենք էլ սեր կտանք և կապացուցենք, որ Հիսուսի ճշմարիտ հետևորդներն ենք։

Աստծո Թագավորության շատ կողմեր մեր վերահսկողությունից դուրս են․ օրինակ՝ մեր փոքր խմբից մեկը կարող է որոշել հետևել Հիսուսին, կամ խմբի մարդիկ կարող են հավատարմորեն կիսվել ավետարանով և սկսել երեք նոր փոքր խումբ (լավ կլիներ, չէ՞)։ Բայց մենք չենք կարող վերահսկել ուրիշների ընտրությունները։

Մեր վերահսկողության տակ է լինելը սիրող մարդ, ինչպես նաև ուրիշներին սիրող մարդ դառնալու քաջալերելը։ Սերը մղում է մարդուն դուրս գալ իր սոցիալական շրջանակից ու մշակույթից և կիսվել ավետարանով։ Սերը մարդուն առաջնորդում է հրաժարվել իր ուզածից ու առատաձեռնորեն տալ։ Սերը մղում է զոհել ժամանակն ու հարմարավետությունը, որպեսզի ուրիշները ճանաչեն Աստծուն։

Ի՞նչ կլիներ, եթե ամեն առիթ օգտագործեինք, որ մեր փոքր խմբերը սիրող մարդիկ դառնան։ Ո՞ւմ հետ կկիսվեին ավետարանով։ Որքա՞ն ժամանակ կզոհեին, որ ուրիշները լսեն։ Որքա՞ն առատաձեռն կլինեին, որ ուրիշները լսեն։