Գաղտնիության քաղաքականություն

Տեղեկությունների հավաքումն ու օգտագործումը

Pattern Resource Group LLC-ի արտոնագրված հավելվածները ստեղծվել են վերջնական օգտատերերի կողմից անվճար օգտագործման և ծառայելու համար։ Օգտատերերի գաղտնիությունն ու անվտանգությունը պաշտպանելու նպատակով Ծառայությունը հնարավորինս քիչ տեղեկություն է հավաքում հավելվածից և սարքերից ձեր օգտվելու մասին։

Այս էջով ցանկանում ենք լիովին թափանցիկ լինել այն քաղաքականության հարցում, որը վերաբերում է մեր Ծառայությունից օգտվել ընտրած մարդկանց անձնական տեղեկությունների հավաքմանը, օգտագործմանը և բացահայտմանը։

Եթե որոշեք օգտվել մեր Ծառայությունից, ապա համաձայնում եք տեղեկություններ հավաքելուն և օգտագործելուն՝ այս քաղաքականության համաձայն։ Ծառայությունը չի օգտագործի կամ որևէ մեկի հետ չի կիսի ձեր տեղեկությունները, բացի Գաղտնիության այս քաղաքականության մեջ նկարագրված դեպքերից։

Ընդհանուր դրույթներ

Մեր համակարգերը, ինչպես նաև Amazon Web Services-ի համակարգերը, որոնցից օգտվում ենք որպես սերվերի և տվյալների պահպանման ծառայություն մատուցողից, հավելվածից օգտվելիս չեն պահանջում կամ պահպանում օգտատիրոջ սարքի կամ ինտերնետային հասցեի մասին որևէ անձին նույնականացնող տեղեկություն։ Հավելվածի համար նոր նյութեր ներբեռնելիս մեր սերվերը պահպանում է միայն այն երկրի անունը, որտեղից ներբեռնումը կատարվել է։ Օգտատերերին նոր նյութերով ավելի լավ ապահովելու համար մեր ծառայությունը հաշվում է, թե քանի անգամ են նյութերը ներբեռնվել։ Կրկնենք՝ նյութերի հետ պահվում և կապվում է միայն երկրի, ոչ թե օգտատիրոջ մասին տեղեկությունը։

Եթե օգտատերը կապվում է Ծառայության հետ և օգնություն կամ պատասխան է խնդրում, նա հասկանում է, որ Ծառայությունը չի վերահսկում հաղորդագրությունների կամ հաղորդակցության բոլոր ծառայությունների գաղտնիությունն ու անվտանգությունը (օրինակ՝ էլփոստի կամ սոցիալական ցանցերի հաղորդագրությունների հարթակների)։ Կոնտակտային տեղեկությունները ստանալուց հետո դրանք պահվում են անվտանգ և պատասխանատու ձևով, օգտագործվում են միայն նախատեսված նպատակով և երբեք չեն փոխանցվում կամ վաճառվում Ծառայության թիմից դուրս։ Հարցման դեպքում տեղեկությունները ջնջվում են բոլոր վայրերից։

Հավելվածն օգտվում է երրորդ կողմերի ծառայություններից, որոնք կարող են հավաքել ձեզ նույնականացնելու համար օգտագործվող տեղեկություններ։ Ամենակարևորը՝ խոսքը այն հավելվածների խանութների մասին է, որոնցից ներբեռնվում է հավելվածը։ Այս ընկերությունները կարող են ունենալ օգտատերերի մասին տեղեկություններ, որոնք կապված են էլփոստի հասցեների, սարքերի նույնականացման համարների և հավելվածը ներբեռնելու հարցում կատարած ինտերնետային կոնկրետ տեղադրության հետ։

Օգտագործման վիճակագրություն

Ձեր անունը, էլփոստի հասցեն, անձնական նշումները և ճշգրիտ տեղադրությունը ձերն են։ Մենք դրանք չենք հավաքում օգտագործման վիճակագրության համար։

Եթե թույլ տաք, մենք հավաքում ենք հիմնական վիճակագրական տվյալներ, օրինակ՝ թե որ դասերն ու Աստվածաշնչի գլուխներն են դիտվում, որքան հաճախ են օգտագործվում հավելվածի հնարավորությունները և արդյոք հավելվածում սխալներ են լինում։ Կարող եք ցանկացած պահի անջատել այս տվյալների հավաքումը։

Եթե նույնպես թույլ տաք, մենք օգտագործում ենք տեղադրման պատահական ID՝ ժամանակի ընթացքում ձեր գործողությունները խմբավորելու համար։ Սա օգնում է հասկանալ, թե ինչպես են օգտագործում հավելվածը՝ առանց իմանալու, թե ով եք դուք։ Կարող եք ցանկացած պահի անջատել խմբավորումը։ Այդ դեպքում ձեր նախկին վիճակագրական տվյալներն այլևս չեն կապվի ձեր տեղադրման հետ, իսկ ապագա տվյալները կհավաքվեն առանց ID-ի։

Քուքիներ

Քուքիները փոքր ֆայլեր են, որոնցում կա եզակի, նույնականացնող տեղեկություն։ Դրանք օգտագործվում են՝ հետևելու, թե ինչպես են մարդիկ օգտվում հավելվածից և համացանցից։ Հաճախ դրանք հետևում են սարքի տարբեր հավելվածներում կատարվող գործողություններին։ Եթե նկատել եք, որ համացանցը կարծես միշտ գիտի, թե ինչ եք արել կամ ինչ եք դիտել, ուրեմն տեսել եք, թե ինչպես են աշխատում քուքիները։ Այս քուքիները ձեր այցելած կայքերից ուղարկվում են ձեր դիտարկիչին և պահվում ձեր սարքի ներքին հիշողության մեջ։ Այս Ծառայությունը սարքի վրա տեղադրվող հավելվածում և կայքում չի օգտագործում այդ «քուքիները»։

Այլ կայքերից ներկառուցված կամ դրանց հղումներով հասանելի բովանդակություն

Այս կայքի հոդվածները կարող են ներառել ներկառուցված բովանդակություն (օրինակ՝ տեսանյութեր, նկարներ, հոդվածներ և այլն)։ Այլ կայքերից ներկառուցված բովանդակությունն աշխատում է ճիշտ այնպես, ինչպես եթե այցելուն այցելած լիներ այդ մյուս կայքը։

Այս կայքերը կարող են ձեր մասին տվյալներ հավաքել, օգտագործել քուքիներ, ներկառուցել երրորդ կողմերի կողմից հետևելու լրացուցիչ միջոցներ և հետևել ներկառուցված բովանդակության հետ ձեր փոխազդեցությանը, այդ թվում՝ հետևել, թե ինչպես եք օգտվում այդ բովանդակությունից, եթե այդ կայքում հաշիվ ունեք և մուտք եք գործել։

Անվտանգության միջոցներ

Շնորհակալ ենք, որ վստահում եք մեր հավելվածին։ Մենք օգտագործում ենք ոլորտի ընդունված չափանիշներին համապատասխանող և դրանցից ավելի բարձր մակարդակի միջոցներ՝ մեր պահած սահմանափակ տեղեկությունն ու ձեր տրամադրած բոլոր տեղեկությունները պաշտպանելու համար, երբ օգնության կարիք ունեք։ Ծառայության հետ բոլոր կապերն օգտագործում են ոլորտի ընդունված չափանիշներին համապատասխան HTTPS կոդավորված արձանագրություններ։ Թեև մենք պարբերաբար վերանայում ենք կիբերանվտանգությունը, չենք կարող երաշխավորել 100% անվտանգություն։

Սարքում պահվող տվյալներ

Ծառայությունը հասանելի է թե՛ սարքի վրա տեղադրվող հավելվածներով, թե՛ վեբ դիտարկիչով բացվող տարբերակով։ Սարքի վրա տեղադրվող հավելվածների տարբերակներն օգտագործում են օպերացիոն համակարգի առաջարկած անվտանգության արձանագրությունները, և տվյալները սարքում պահվելու ընթացքում միշտ կոդավորված են։ Կայքի տարբերակն ավելի արագ հասանելիություն և տվյալների ավելի քիչ օգտագործում ապահովելու համար տեղեկությունը պահում է քեշում (վեբ դիտարկիչի հիշողության մեջ)։ Ձեր սարքին հասանելիություն ունեցող ցանկացած անձ, հավանաբար, կարող է ավելի հեշտությամբ հասնել այս տեղեկությանը։ Այս հիշողությունը մաքրելու համար պետք է վեբ դիտարկիչի առաջադեմ կարգավորումներում կառավարել հավելվածի տվյալները։

Հղումներ դեպի այլ կայքեր

Այս Ծառայության բովանդակությունը կարող է հղումներ պարունակել դեպի այլ կայքեր։ Եթե սեղմեք որևէ հղման վրա, կուղղորդվեք դեպի կայք և ծառայություն, որոնք ունեն գաղտնիության իրենց քաղաքականությունը։ Մենք չենք վերահսկում դրանց բովանդակությունը, քաղաքականությունն ու տեղեկությունների մշակման գործելակերպը։

Երեխաների գաղտնիությունը

Այս ծառայությունները նախատեսված չեն 13 տարեկանից փոքր անձանց համար։ Մենք գիտակցաբար չենք հավաքում 13 տարեկանից փոքր երեխաների անձը հաստատող տեղեկություններ։ Եթե պարզենք, որ 13 տարեկանից փոքր երեխան մեզ անձնական տեղեկություններ է տրամադրել, անմիջապես կջնջենք դրանք մեր սերվերներից։ Եթե ծնող կամ խնամակալ եք և գիտեք, որ ձեր երեխան մեզ անձնական տեղեկություններ է տրամադրել, խնդրում ենք կապվել մեզ հետ, որպեսզի կարողանանք անհրաժեշտ քայլերն անել։

Գաղտնիության այս քաղաքականության փոփոխություններ

Մենք կարող ենք ժամանակ առ ժամանակ թարմացնել Գաղտնիության մեր քաղաքականությունը։ Ուստի խորհուրդ ենք տալիս պարբերաբար ստուգել այս էջը՝ փոփոխություններին ծանոթանալու համար։ Փոփոխությունների մասին կտեղեկացնենք՝ այս էջում հրապարակելով Գաղտնիության նոր քաղաքականությունը։ Փոփոխություններն ուժի մեջ են մտնում այս էջում հրապարակվելուց անմիջապես հետո։