Բազմապատկման ԴՆԹ․ տեսլական

Ամփոփում․ Բառնաբասը տեսիլքը չտարավ Սողոսին․ նա Սողոսին տարավ տեսիլքի մոտ։

Ինչպե՞ս փոխանցել բազմացող շարժման տեսիլքը նոր հավատացյալներին։

Հալածանքների առաջին ալիքի ժամանակ որոշ հավատացյալներ ցրվեցին մինչև Փյունիկիա, Կիպրոս և Ասորիքի Անտիոք։ Անտիոքում հավատացյալները Ավետարանով կիսվեցին հեթանոսների հետ, և

Երբ Երուսաղեմի առաջնորդները լսեցին այդ մասին, Բառնաբասին ուղարկեցին Անտիոք։ Նրա քաջալերանքի շնորհիվ գործն ավելի ծաղկեց։ Կարելի էր կարծել, թե Բառնաբասը ոգեշնչող ու հուզիչ պատմություններով և «տեսիլքը ներկայացնելու» համար ուրախ-ուրախ կվերադառնար Երուսաղեմ։

Բայց փոխարենը Բառնաբասը գնաց փնտրելու Սողոսին։ Աստված Սողոսի մասին ասել էր․

«…Սողոսն իմ ընտրած գործիքն է, որ իմ լուրը տանի հեթանոսներին ու թագավորներին…» Գործք 9:15բ

Բառնաբասը տեսիլքը չտարավ Սողոսին․ նա Սողոսին տարավ տեսիլքի մոտ։ Նա սեփական աչքերով տեսնելու հնարավորություն տվեց, թե ինչպես են հեթանոսները դառնում դեպի Հիսուսը։ Սողոսը, որ հետո կոչվեց Պողոս, և Բառնաբասը մեկ տարի մնացին Անտիոքում և ծառայեցին այս եռանդուն հեթանոս հավատացյալների մեջ։ Անտիոքում հավատացյալներին առաջին անգամ քրիստոնյաներ կոչեցին (Գործք 11:26)։

Պողոսը կարևոր դեր ունեցավ հեթանոսների մեջ Ավետարանի տարածման գործում։ Բայց չպետք է անտեսենք Բառնաբասին։ Նա օրինակով ցույց տվեց, որ տեսիլքը լավագույնս փոխանցվում է մարդուց մարդուն՝ սեփական փորձով։ Մտածեք, թե ինչ մեծ ազդեցություն ունեցավ Բառնաբասը ամբողջ աշխարհի վրա, որովհետև նա Պողոսին տարավ տեսիլքի մոտ, ոչ թե հեռվից փորձեց բացատրել այն։

Ինչպե՞ս կարող ես Աստծո տեսիլքը փոխանցել քո շրջապատի մյուս հավատացյալներին։ Ի՞նչ գործնական ձևերով կարող ես օգնել նրանց ապրել այդ տեսիլքը, ոչ թե պարզապես սովորեցնել դրա մասին։