Պարզ եկեղեցու ԴՆԹ․ հոգևոր պարգևներ

Ամփոփում․ Հիսուսի բոլոր հետևորդները պատասխանատու են միմյանց ծառայելու համար՝ Սուրբ Հոգու միջոցով, որպեսզի եկեղեցին զորանա, առողջանա և բազմանա։ 

Հիսուսը երկինք համբարձվելիս իր հետևորդներին երկրի վրա որբ չթողեց, այլ ուղարկեց Սուրբ Հոգուն, որ ծառայի մեզ և մեր միջոցով։ Սուրբ Հոգին դա անում է նաև հավատացյալներին հոգևոր պարգևներ տալով, որպեսզի եկեղեցին զորանա, առողջանա և բազմանա։

Այս պարգևները տրված են յուրաքանչյուր հավատացյալի օգտագործման համար՝ անկախ նրա հասարակական դիրքից, կարողություններից, ընտանիքից, կրթությունից, ռասայից, սեռից կամ ֆինանսական վիճակից։ Քանի որ պարգևները բոլորին են տրված, ոչ թե միայն մի քանի ընտրյալի, դրանք օգնում են եկեղեցուն միասնական մնալ՝ չնայած իր բազմազանությանը։ Հոգևոր պարգևներն են՝

ուսուցանելը, տալը, առաջնորդելը, ծառայելը, կազմակերպչական գործեր անելը, Ավետարանով կիսվելը և նոր աշակերտներ պատրաստելը, իմաստությունը, հավատքը, բժշկությունը, մարգարեությունը, հոգևոր լեզուներով խոսելը և զանազանելը։

Բոլոր հավատացյալները կարող են գործածել իրենց հոգևոր պարգևները փոքր խմբերում, քանի որ փոքր խմբերի հանդիպումները հնարավորություն են տալիս բոլորին լիարժեք մասնակցելու։ Մեծ խմբերի հանդիպումները ազդեցիկ ու ոգեշնչող են, բայց փոքր խմբում հավատացյալները կարող են փորձել, սովորել, տեղ ունենալ փորձելու և հարցեր տալու համար։ Նրանք կարող են հետևել ուրիշներին, թե ինչպես են լսում Հոգու առաջնորդությունը և Նրա զորությամբ սկսում ծառայել։ Հավատացյալները ոչ միայն ավելի վստահ կդառնան, այլև խոնարհ կմնան, քանի որ փոքր խմբում մյուսները կարող են հետևել նրանց կյանքին և խոսել սխալների մասին։ Երբ ծառայությունը սահմանափակվում է բեմով, հավատացյալները զրկվում են համայնքի խոցելի, բայց օրհնաբեր միջավայրից, որտեղ ստանում են մեղմ ուղղում, գործնական առաջնորդություն և քաջալերանք։

Որքան ավելի է Սուրբ Հոգին զորացնում յուրաքանչյուր հավատացյալի, այնքան ավելի շատ է տարածվում Հիսուսի լուրը։ Որքան ավելի շատ են հավատացյալները ծառայում միմյանց, այնքան ավելի առողջ է դառնում եկեղեցին և հասնում նրանց, ովքեր դեռ չեն ճանաչում Հիսուսին։ Հոգևոր պարգևները գործածելը կարևոր է, որպեսզի բազմացում տեսնենք։