Փոքր խմբի գործիքների տուփ․ վարժվել երկրպագելուն

Ամփոփում․ Պարզ կանոն է՝ երկրպագության ժամանակ օգտագործել Սուրբ Գիրքը՝ այն հատվածները, որոնք ասում են, թե ով է Աստված և ինչ է արել, և ժամանակ տալ փառաբանության ու շնորհակալության համար։

«Գործիքների տուփ» հոդվածաշարում կպատասխանենք փոքր խմբեր վարելու մասին ամենատարածված հարցերից մի քանիսին։ Եթե հարցեր ունեք, որոնց կուզենայիք պատասխան ստանալ, պարզապես գրեք մեզ։

Ինչպիսի՞ն կարող է լինել երկրպագությունը իմ փոքր խմբում։

Փոքր խմբերում սովորաբար երեքից ութ մարդ է լինում։ Եվ շատ քիչ խմբերում է կիթառ նվագող լինում։ Բայց դա չպետք է խանգարի մեզ երկրպագել։ Կարևոր չէ, թե որտեղ ենք, կարևորը՝ մեր սիրտն է ։

Ահա մի քանի գործնական միտք․

Հերթով պատրաստեք մի սաղմոս կամ մեկ այլ հատված, որը պատմում է, թե ով է Աստված, և կարդացեք այն տող առ տող։ Տողերի միջև կարող ենք դադար տալ՝ լուռ խորհելու, մեր բառերով փառաբանելու կամ իրար ուրախությամբ պատմելու, թե այդ խոսքերն ինչպես են ազդում մեզ վրա։ Կարող ենք նաև միասին լուռ նստել և հերթով ավարտել այս նախադասություններից մեկը․ «Տե՛ր, շնորհակալ եմ քեզ _________-ի համար» կամ «Տե՛ր, շնորհակալ եմ, որ դու _________ ես»։

Փոքր խմբով կարող եք հեռախոսից միացնել երկրպագության երգ և միասին երգել, ապա մի փոքր մնալ Աստծո ներկայության մեջ՝ սպասելով ու լսելով։ Կարող ենք միասին զբոսնել այգում և հերթով կարդալ Սուրբ Գիրքը կամ ասել, թե ինչպիսին է Աստված․ Աստված բարի է։ Աստված հավատարիմ է։ Աստված սեր է։

Այս պահերին կարող ենք համաձայնել իրար հետ և խորհել ասվածի շուրջ։ Պետք չէ շտապել։ Պարզ կանոն է՝ երկրպագության ժամանակ օգտագործել Սուրբ Գիրքը՝ այն հատվածները, որոնք ասում են, թե ով է Աստված և ինչ է արել, և ժամանակ տալ փառաբանության ու շնորհակալության համար։ Այսպես իրար երկրպագելիս լսելը կարող է խորապես ազդել ու քաջալերել մեզ։ Դա նաև նոր հավատացյալներին ցույց է տալիս, թե ինչպես երկրպագել։ Երկրպագության այս պահերին նրանք շատ բան կսովորեն Աստծո բնավորության մասին։