Փոքր խմբի գործիքների տուփ․ ինչպես վարվել Աստծու և փրկության մասին սխալ պատկերացումների հետ

Ամփոփում․ Երբ թույլ ենք տալիս, որ Սուրբ Հոգին խոսի Աստվածաշնչի միջոցով, պահպանում ենք մեր կապը մարդու հետ և տեղ ենք բացում, որ Աստծո խոսքը ուղղի ու փոխի նրա պատկերացումները։

«Գործիքների տուփ» շարքի գրառումներում կպատասխանենք փոքր խմբեր վարելու մասին ամենատարածված հարցերից մի քանիսին։ Եթե ունեք հարցեր, որոնց կուզենայիք պատասխան ստանալ, գրեք մեզ։

Իսկ եթե ինչ-որ մեկը սխալ հասկանա կամ մեկնաբանի Աստվածաշնչի հատվածը՞

Երբեմն մարդիկ հատվածում «տեսնում են» այն, ինչ լսել են ուրիշներից, կամ այն, ինչ կուզենային տեսնել։ Երբ նկատում ենք, որ դա տեղի է ունենում, կարող ենք հանգիստ մնալ և անմիջապես չշտկել մարդուն։ Սուրբ Հոգին խոսում է Աստվածաշնչի միջոցով։ Կարող ենք մեղմորեն ուղղորդել մարդուն դեպի ուսումնասիրվող հատվածը կամ համարը։ Կարող ենք ասել․ «Նկատեցի, որ ___ համարում դրա մասին մի բան է ասվում։ Եկեք նորից կարդանք։ Ի՞նչ եք նկատում, որ այնտեղ ասվում է»։ Երբ թույլ ենք տալիս, որ Սուրբ Հոգին խոսի Աստվածաշնչի միջոցով, պահպանում ենք մեր կապը մարդու հետ և տեղ ենք բացում, որ Աստծո խոսքը ուղղի ու փոխի նրա պատկերացումները։

Գուցե մտածենք՝ արդյոք պետք է չանդրադառնալ սխալ մեկնաբանությանը և շարունակել Աստվածաշնչի ուսումնասիրությունը։ Ահա մի քանի հարց, որոնք կօգնեն մեզ որոշել՝ ինչպես վարվել․ «Այս մարդու պատկերացումներն ազդո՞ւմ են խմբի մյուս անդամների վրա։ Այս մարդն արդեն Հիսուսի հետևո՞րդ է։ Նրա պատկերացումները խանգարո՞ւմ են նրան հետևել Հիսուսին։

Լավ է հիշել, որ Աստվածաշնչի ուսումնասիրության մեր խմբի անդամը ճանապարհին է։ Ուստի պետք չէ ուղղել ամեն սխալ պատկերացում։ Խնդրեք Սուրբ Հոգուն օգնել ձեզ հասկանալ՝ ինչը թողնել առանց անդրադառնալու, իսկ ինչի հարցում ուղղորդել նրան։

Ամենից առաջ կարևոր է չվախենալ և մեղմորեն ուղղորդել մարդուն դեպի Աստվածաշունչը։ Այսպես նրան հնարավորություն ենք տալիս ճիշտ մտածելու Աստծո և փրկության մասին, որպեսզի իր պատկերացումները չխանգարեն Հիսուսի հետ աճելուն։